Átröskun er langvinnur sjúkdómur en hægt er að ná fullum bata. Sjúkdómurinn hefur víðtæk heilsufarsleg áhrif á einstaklinginn, bæði líkamleg og andleg, auk þess sem hann hefur mikil áhrif á samskipti fjölskyldunnar.

Markmið námstefnu um átraskanir er að opna umræðu um sjúkdóminn, veita fræðslu um hann og gefa fólki kost á að spyrja spurninga.

Námstefnan er opin öllum, bæði fagfólki og öðrum sem telja sig málefnið varða á einhvern hátt. Innifalið í námstefnugjaldi eru veitingar í kaffi- og hádegishléum.

Námstefnan er í gegnum fjarfundabúnað frá Endurmenntun Háskóla Íslands.