Megináhersla er lögð á að námsmaður auki færni sína í að tala dönsku, skilja danskt tal og vandi alla endursögn sína úr dönsku á íslensku. Einnig er lögð áhersla á hlustun, lestur, samskipti, frásögn og ritun í samræmi við mat á stöðu hans í dönsku og framvindu námsins.
Unnið með fjölbreyttara og flóknara hlustunar- og lesefni en það sem notað var í fyrsta áfanga dönskunámsins. Danskt ritmál og talmál er æft jafnframt les- og hlustunarefni. Lögð er áhersla á aukinn orðaforða, meiri færni til að tjá sig á dönsku og vandaða endursögn á íslensku.