Námið er hluti af 198 kennslustunda fagnámskeiði fyrir starfsmenn í félags- og heilbrigðisþjónustu. Það fæst metið upp í 230 kennslustunda nám sem þarf til að geta stundað nám á brú fyrir félagsliðanám. Námið er ætlað þeim sem aðstoða, annast um eða hlynna að sjúkum, fötluðum og öldruðum á einkaheimilum eða stofnunum. Einnig þeim sem á einkaheimilum eða stofnunum aðstoða skjólstæðinga sína við innkaup, þrif og persónulega umhirðu auk þess að veita skjólstæðingum sínum félagslegan stuðning og aðstoð til að rjúfa félagslega einangrun.