Námskeiðið er kennt í gegnum fjarfundabúnað frá Endurmenntun Háskóla Íslands.

Fjallað verður um ritverk bandaríska nóbelshöfundarins Ernests Hemingways, og einnig vikið að ímynd hans sem rithöfundar og ævintýramanns. Í lífi sínu og verkum spurði Hemingway iðulega um hvað væri svona merkilegt við það að vera karlmaður. Á námskeiðinu verður gætt að stríðinu, útlegðinni, ástinni og samskiptum kynjanna í verkum höfundarins. Hver eru einkenni hins fræga “harðsoðna stíls” Hemingways? Og hvernig hefur Hemingway farnast á Íslandi?

Mikilvægt er að skrá sig sem allra fyrst.