Þetta námskeið er einungis fyrir fólk með iðnréttindi, eða í iðnnámi. Undanfari: Nám í stjórnun. Fjallað um námskröfur og uppbyggingu náms til sveinsprófs í iðngrein, hvernig skóli og fyrirtæki þurfa að vinna saman að menntun einstaklingsins. Réttindi og skyldur iðnmeistara og iðnnema á náms- eða starfsþjálfunarsamningi. Hvernig meistari getur búið iðnnema æskileg skilyrði til náms og þroska í fyrirtækinu og aðferðir til að miðla þekkingu og annast handleiðslu í samræmi við námsþarfir nemandans og námskröfur iðngreinarinnar.