Haldið í samvinnu við Framvegis símenntunarmiðstöð.

Markmið námskeiðsins er að þátttakendur þekki hugmyndafræði líknarmeðferðar og fyrir hvað sú meðferð stendur, skoði hvernig líknarmeðferð er veitt á mismunandi stöðum í heilbrigðiskerfinu, þekki helstu þarfir sjúklinga og aðstandenda, þekki algeng einkenni og meðferð einkenna hjá sjúklingum í líknarmeðferð, skoði eigin samskiptamáta og eigin líðan í starfi.

Á námskeiðinu verður fjallað um líknarmeðferð og umönnun við lok lífs. Farið verður í þá heildrænu nálgun sem líknarmeðferð gengur út á og rætt um mikilvægar þarfir sjúklinga og aðstandenda. Fjallað verður um algeng einkenni og meðferð þeirra hjá sjúklingum í líknarmeðferð. Rætt verður um samskipti, siðfræði og líðan í starfi. Starf sjúkraliða á líknardeild verður kynnt.

Leiðbeinendur eru Svandís Íris Hálfdánardóttir, sérfræðingur í líknandi hjúkrunarmeðferð Landspítala og Elísabet Pétursdóttir, sjúkraliði líknardeild Landspítala Kópavogi.

Þátttakendur eru minntir á að hægt er að sækja um styrk í starfsmenntasjóð vegna námskeiðsgjalds.