Fræðslumiðstöð Vestfjarða, í samstarfi við Fornleifastofnun Íslands, Vestfirði á miðöldum, Minjavörð Vestfjarða og fleiri aðila, gengst fyrir röð fyrirlestra í vetur undir yfirskriftinni Menningararfurinn.

Fimmtudaginn 28. apríl mun Torfi Tulinius fjalla um helstu þætti þeirrar hatrömmu baráttu sem geisaði milli valdamanna á Vestfjörðum á fyrra hluta 13. aldar og hvernig hún leiddi til þess að höfðingjar af öðrum svæðum náðu undirtökum þar.

Fyrirlesturinn er í fjarfundabúnaði frá Reykjavík.Hægt er að sækja hann á Ísafirði, Patreksfirði og Hólmavík.