Í samvinnu við Félag Geislafræðinga. Einkum ætlað fagfólki á heilbrigðissviði.

Miklar framfarir hafa verið í myndgreiningu miðtaugakerfisins á undanförnum árum bæði í tækjabúnaði og rannsóknaraðferðum. Námskeiðinu er ætlað að fara yfir mismunandi rannsóknaraðferðir á miðtaugakerfi. Ábendingar, frábendingar, aðferðafræði og sjúkdómafræði. Helsta áherslan verður á aðferðarfræðina þ.e.a.s hvaða rannsóknaraðferðir henta best miðað við einkenni sjúklings og hvaða niðurstöðu sé að vænta hverju sinni.

Að loknu námskeiðinu ættu geislafræðingar og aðrir þátttakendur námskeiðsins að vera betur í stakk búnir til að ákveða og ráðleggja hvaða rannsóknaraðferðum skal beitt og hvers er að vænta af niðurstöðunum.

Námskeiðið er kennt í gegnum fjarfundabúnað frá Endurmenntun Háskóla Íslands.