Paint.net er myndvinnsluforrit fyrir alla. Það inniheldur allar algengustu aðgerðir stærri og dýrkeyptari myndvinnsluforrita, enda stundum kallað Photoshop fyrir almenning.

Á námskeiðinu er m.a. farið í hvernig flytja á myndir af myndavél yfir á tölvu, afritun mynda af Internetinu og skipulag gagnageymslu. Einnig myndvinnslu þar sem farið er í hvað pixlar eru, hvernig mynd er klippt út af bakgrunni og sett yfir á annan bakgrunn, hvernig maður breytir lýsingu og lit mynda og fleiri atriði sem skipta máli.

Upplagt fyrir þá sem hafa litla sem enga reynslu af myndvinnslu.

Námskeiðið verður haldið á dagtíma og því hentugt til dæmis fyrir eldri borgara og aðra sem eiga lausa stund yfir daginn.