Nám í boði á Flateyri fyrir þá sem vilja efla sig í starfi eða auka getu sína í notkun á tölvum til samskipta eða skemmtunar.  Hefst 22. febrúar 2012 með kynningarfundi í húsnæði Fræðslumiðstöðvarinnar á Flateyri (Sólborg) kl. 18:00.

Um er að ræða 150 kennslustunda nám sem kennt yrði eftir vinnu á vorönn (eða skipt á tvær annir, 75 kennslustundir á vorönn og 75 á haustönn). Endanlegt fyrirkomulag verður ákveðið í samráði við nemendur.  Námið er einstaklingsmiðað og ekki skiptir máli hvort það er stutt eða langt síðan þátttakendur voru síðast í skóla - þetta nám er opið öllum sem áhuga hafa. Námið skiptist í eftirfarandi námsþætti:

• Kynning
• Íslenska
• Myndvinnsla
• Námstækni og símenntun
• Rafræn samskipti
• Ritvinnsla
• Sjálfsstyrking og samskipti
• Skipulag, frumkvæði og efling í starfi
• Töflureiknir
• Vafri og netið
• Vinnustaðamenning og liðsheild
• Mat á námi og námsleið

Námið er sett upp þannig að það muni nýtast þátttakendum í leik og starfi.  Námið er hagnýtt og miðast m.a. að því að auka færni þátttakenda í tölvunotkun og efla sjálfstraust.

Námið kostar 26.000 kr. en þátttakendur geta sótt um niðurgreiðslu á þátttökukostnaði til síns verkalýðsfélags.

Allar frekari upplýsingar veita Sigurborg Þorkelsdóttir í síma 892 1623 og Heiðrún Tryggvadóttir í síma 849 8815.