Á námskeiðinu verður farið í grunnþætti oíumálverksins. Unnið verður með aðferðinni “að mála frá mögru upp í feitt”. Þegar málað er með þeirri aðferð er hægt að forðast algeng mistök við olíumálun. Þessi aldagamla aðferð hjálpar til við að halda litum tærum á striganum og þeim sem eru að mála, að nálgast málverkið markvisst og yfirvegað.
Fjallað verður um tæknileg atriði s.s.  íblöndunarefni, grunna, efnasamsetningu lita og íblöndunarefna, hvaða efni henta áferð og yfirborði málverksins o.s.frv. Einnig er fræðsla um pensla og önnur verkfæri tengd málun.
Leitast verður við að þjálfa færni nemenda í listsköpun og auka þekkingu á myndlist, sem auk vinnunnar felst í að fletta inn í kennsluna dæmi og fróðleik úr listasögunni. 
Nemendur hafi með sér liti, pensla, spaða, kol til að teikna með, 2 -3 góða striga (viðráðanlegar stærðir), línolíu, lyktarlausa terpentínu, pallettu, (t.d. pappadiska), krukkur og tuskur.
Hugmyndir að myndefni þurfa að vera klárar og æskilegt að búið sé að teikna á einn striga tl að spara tíma. Æskilegt er að teikningin sé unnin með kolum eða þynntri málningu. Myndvarpi verður á staðnum fyrir þá sem vilja nota hann.