Námskeiðið er hluti af námskránni “Nám og þjálfun í almennum bóklegum greinum” en verður öllum opið. Höfuðáhersla er lögð á að þátttakendur efli sjálfstraust sitt og færni í mannlegum samskiptum. Áhersla er á helstu atriði sem hafa áhrif á nám þ.á.m. upplag hvers og eins, áhuga, virkni, reglufestu og einbeitingu. Fjallað er um helstu áhrifaþætti í mannlegum samskiptum einkum áhrif sjálfstrausts á framkomu og ákveðni, óákveðni og ágengni í samskiptum. Einnig er lögð áhersla á leikni til að hlusta, að gagnrýna, að taka við gagnrýni og að leysa ágreining.