Námskeiðið byggir á áfanganum Stjórnun (MST 104) í meistaranámi iðnaðarmanna og er ætlað stjórnendum í fyrirtækjum.

Markmið námskeiðsins er að veita þátttakendum innsýn í hlutverk, verksvið og ábyrgð stjórnenda fyrirtækja á sviði starfsmannastjórnunar/mannauðsstjórnunar og verkstjórnar. Á námskeiðinu verður farið í ýmsar stjórnunarkenningar, samskiptahæfni og mannleg samskipti, hvað mótar samskipti og hvað hefur áhrif á starfsanda á vinnustað. Einnig verður fjallað um þróun og beitingu sjálfsmyndar og hvernig hægt er að styrkja eigin sjálfsmynd og annarra. Þá verður farið í grunnþætti Excel forritsins og það notað við úrlausn verkefna. Þannig verður tvinnuð saman grunnþekking á forritinu og notkun þess sem verkfæris við lausn verkefna.