Súpur eru matur sem nota má hversdags sem og á veisluborð. Fjallað verður um hvernig útbúa má fjölbreyttar og matarmiklar súpur frá grunni, ásamt því hvernig gera má hefðbundnar pakkasúpur að veislumat - nokkurs konar naglasúpur. Þátttakendur miðla hugmyndum sínum og reynslu í súpugerð, en reynsla er þó ekki skilyrði. Þá verður fjallað um hugmyndir að meðlæti og í lok námskeiðs snæða þátttakendur saman. Þeir sem hafa sótt súpufundina á Café Riis að undanförnu hafa fengið að smakka nokkrar dásamlegar súpur - nú er tækifærið að læra um galdurinn á bak við þær!