Eins og áður hefur verið skýrt frá hefur Fræðslumiðstöð Vestfjarða tímabundið fengið Björn E Hafberg náms- og starfsráðgjafi til að annst ráðgjöf fyrir miðstöðina. Næstu daga verður Björn á Norðanverðum Vestfjörðum og Reykhólahreppi eins og hér segir:

• Þriðjudagur 22. maí. Flateyri fyrir hádegi og Suðureyri eftir hádegi.
• Miðvikudagur 23. maí. Fyrir hádegi, Ísafjörður. Eftir hádegi, Þingeyri.
• Fimmtudagur 24. maí. Reykhólahreppur.
• Föstudagur 25. maí. Reykhólahreppur.

Ákvörðun um frekari heimsóknir fer eftir aðsókn.

.

Á ferðum sínum fer Björn í fyrirtæki og stofnanir og kynnir náms- starfsráðgjöf og býður fólki upp á einstaklingsviðtöl.

Fólk er hvatt til að nýta sér þessa þjónustu hafi það hug á að kanna námsöguleika, fara í nám, skipta um starf eða finna út nám við hæfi. Einnig ef það vill taka áhugasviðspróf. Ennfremur ef fólk vill fá ráðleggingar um greiningar á lesblindu eða öðrum námshamlandi fyrirbærum.

Tímapantanir fyrir einstaklingsviðtölin eru hjá Fræðslumiðstöð Vestfjarða í síma 456 5025, eða netfanginu frmst@frmst.is