|
||||
|
|
Grunnmenntaskóli hefst í janúar
Í janúar hefst svokallaður Grunnmenntaskóli hjá Fræðslumiðstöð Vestfjarða. Um er að ræða 300 kennslustunda nám sem ætlað er fullorðnu fólki á vinnumarkaði, eldra en 20 ára og með stutta formlega skólagöngu.
Grunnmenntaskóli er kenndur samkvæmt námsskrá frá Fræðslumiðstöð atvinnulífsins. Tilgangur skólans er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni í vinnu. Í náminu er lögð áhersla á að námsmenn læri að læra, efli sjálfstraust sitt og lífsleikni.
Fyrri hluti námsins verður kenndur á vorönn 2010 en seinni hlutinn á haustönn 2010.
Grunnmenntaskólinn byggir á eftirfarandi námsþáttum:
| Námsþáttur | Kst |
| Kynning | 5 |
| Sjálfsstyrking og samskipti | 20 |
| Námstækni | 10 |
| Íslenska | 55 |
| Framsögn og ræðumennska | 15 |
| Enska | 40 |
| Stærðfræði | 40 |
| Tölvu- og upplýsingatækni | 40 |
| Þjónusta | 10 |
| Verkefnavinna | 25 |
| Náms- og starfsráðgjöf | 15 |
| Færnimappa | 20 |
| Mat á námi og skólastarfi | 5 |
| Samtals | 300 |
Haldinn verður opinn kynningarfundur í Fræðslumiðstöð Vestfjarða, Suðurgötu 12, miðvikudaginn 13. janúar kl. 20:00.
Grunnmenntaskóli er 300 kennslustunda nám ætlað fólki eldra en 20 ára og með stutta formlega skólagöngu. Í náminu er lögð áhersla á að námsmenn læri að læra, efli sjálfstraust sitt og lífsleikni. Meðal þátta sem teknir eru fyrir eru námstækni, íslenska, enska, stærðfræði, tölvunotkun, samskipti o.fl.
