25. ágúst 2008

Grunnmenntaskólinn á Þingeyri hefst að nýju mánudaginn 1. september n.k. Þátttakendur mæti í hús Björgunarsveitarinnar (Stefánsbúð) klukkan 16.10. Kennt verður síðdegis á virkum dögum og á laugardagsmorgnum.

Á haustönn 2008 verður lokið við þá námsþætti sem hófust vorið 2008, en þeir eru einkum enska, íslenska og tölvu- og upplýsingatækni. Hafin verður kennsla í nokkrum nýjum námsþáttum svo sem framsögn og ræðumennsku og stærðfræði.
Öllum er heimilt að skrá sig í þá námsþætti og mögulega er unnt að meta fólk inn í þá námsþætti sem hafnir eru.
Sjá nánar í viðkomandi námskeiðsauglýsingu.