Af óviðráðanlegum orsökum þarf að fresta um viku námskeiði í konfektgerð sem auglýst var að ætti að vera á Þingeyri miðvikudaginn 3. nóvember. Námskeiðið verður þess í stað haldið miðvikudaginn 10 nóvember kl. 18:00-21:00 í húsakynnum Vísis.

Kennari á námskeiðinu er Halldór Karl Valsson matreiðslumeistari og mun hann kynna þátttakendum leyndardóma konfektgerðarinnar og kenna að gera 3-4 mismunandi konfektmola.

Það stefnir í góða þátttöku á námskeiðinu þannig að ef einhverjir áhugasamir hafa ekki skráð sig nú þegar er góð hugmynd að hafa samband við Fræðslumiðstöðina sem fyrst.