Fimmtudaginn 11. júní kl. 12:00 mun Rafiðnaðarskólinn í samvinnu við Fræðslumiðstöð Vestfjarða kynna meistaranám og endurmenntun fyrir rafiðnaðarmenn. Kynningin fer fram í Fræðslumiðstöðinni, Suðurgötu 12, Ísafirði. Boðið verður upp á hádegishressingu. Allir þeir sem málið varðar eru hvattir til að nýta þetta tækifæri til þess að sjá hvað er í boði og koma á framfæri hugmyndum um hvers konar nám/námskeið væri æskilegt að bjóða upp á hér á svæðinu.