Starfsnám stuðningsfulltrúa hófst í Fræðslumiðstöð Vestfjarða í dag, mánudaginn 15. mars. Námið er frá Fræðslusetrinu Starfsmennt og er 160 kennslustundir. Næsta haust verður tekið 80 kennslustunda framhald. Námið er kennt í Reykjavík og fjarkennt á Ísafjörð.

Starfsnám fyrir stuðningsfulltrúa er ætlað starfsmönnum í þjónustu við fatlaða, aldraða eða sjúka. Námið er einnig opið þeim sem hyggja á störf á þessum vettvangi. Markmiðið er að auka færni og þekkingu starfsfólks á aðstæðum og þörfum fatlaðra til að efla lífsgæði þeirra og virkni. Námið snertir fjölbreytta fleti sálar-, félags- og uppeldisfræði og er grunn- og framhaldsnámið metið til eininga í félagsliðabrú.