Björn Hafberg, náms- og starfsráðgjafi, verður til viðtals á Ísafirði frá og með þriðjudeginum 19. júní. Ráðgjöfin er þáttur af átaksverkefni á landsvísu um náms- og starfsráðgjöf, sem unnin er í samvinnu við Fræðslumiðstöð atvinnulifsins.

Náms- og starfsráðgjafinn getur hjálpað þér með upplýsingar um nám og störf, aðstoðað við að kanna áhugasvið og hæfni, veitt upplýsingar um mögulegar námsleiðir og styrki, aðstoð við að setja sér markmið og útbúa námsáætlun eða veitt ráðgjöf um persónuleg málefni.

Notaðu tækifærið og fáðu nánari upplýsingar eða pantaðu viðtal hjá okkur á Fræðslumiðstöðinni í síma 456 5025.
Viðtalið tekur um það bil eina klukkustund og fólk þarf ekkert að borga fyrir það.