ForsÝ­a
FrŠ­slumi­st÷­ Vestfjar­a
frmst@frmst.is
456-5025

Mannlegi millistjˇrnandinn

Hefst 7. september 2017.

Námskeið í samstarfi Fræðslumiðstöðvar Vestfjarða og Hagvangs. Markmið námskeiðsins er að styrkja stjórnendur og millistjórnendur í störfum sínum með áherslu á mikilvægustu og hagnýtustu þætti nútímalegrar stjórnunar út frá sjónarhorni hins mannlega stjórnanda, sem leggur áherslu á að laða fram það besta í hverjum og einum starfsmanni. Námið skiptist í fjórar fjögurra klukkustunda lotur sem deilt er á tvær heilsdags vinnustofur.

Lota 1 - Þekktu sjálfan þig: Persónuleg árangursstjórnun
Trúverðugur leiðtogi í nútímaumhverfi þarf að halda mörgum boltum á lofti, ná árangri á mörgum vígstöðvum og helst að vera fyrirmynd starfsmanna sinna í leiðinni. Í fyrstu lotu er farið yfir það hvernig stjórnandinn getur tekist á við aukið álag í lífinu með því að nýta sér sjónarhorn orkustjórnunar. Þannig eykur hún/hann gæði sinnar vinnu, afköst og framlegð, jafnframt því að stuðla að auknu heilbrigði og starfsánægju vinnustaðarins.

Lota 2 - Kjarninn: Að stjórna fólki
Önnur lotan fjallar um hlutverk millistjórnandans og síbreytileg viðfangsefni hans tengd stjórnun á fólki. Farið er í aðferðir við ráðningar, móttöku og þjálfun starfsmanna auk þess sem lögð er áhersla á frammistöðustjórnun, hvernig stjórnendur geta nýtt endurgjöf og hvatningu til að laða fram það besta hjá sínu fólki. Lögð er áhersla á verkefni og hagnýtar æfingar.

Lota 3 - Leysum hnútinn: Árangursrík samskipti
Farið er yfir ábyrgð einstaklinga þegar kemur að samskiptum og mikilvægi þess að vera meðvitaður um eigin samskiptatækni, áhrif tilfinninga og viðbrögð. Farið er yfir mikilvægi sjálfstrausts þegar kemur að stjórnun og samskiptum almennt. Þátttakendur eru efldir í að taka á erfiðum starfsmannamálum og farið yfir árangursríkar leiðir til að takast á við erfið mál s.s. samskiptavanda, agamál og óánægju, meðal annars í gegnum æfingar.

Lota 4 - Leiðtogahlutverkið og þjónandi forysta
Fjórða og síðasta lotan fjallar um leiðtogann og mismunandi nálganir. Þátttakendur skoða mismunandi tengsl við undirmenn sína og hvernig megi nýta þau til að auka árangur heildarinnar með því að laða fram það besta hjá hverjum og einum. Fjallað er um mikilvægi mótunar og miðlunar framtíðarsýnar, farsæla breytingastjórnun og þjónandi forystu.

Kennari: Frá Hagvangi.
Tími: Fim. 7 september 2017 kl. 9-17 (lota 1 og 2) og fim. 28. september 2017 kl. 9-17 (lota 3 og 4).
Lengd: 24 kennslustundir (2 skipti).
Staður: Fræðslumiðstöð Vestfjarða, Suðurgötu 12, Ísafirði.
Verð: 95.000 kr.

Almennt gildir að til þess að ljúka námskeiði hjá Fræðslumiðstöð Vestfjarða með viðurkenningu þarf að lágmarki 75% mætingu.

SKR┴NING ┴ N┴MSKEIđ