24. mars 2026

Langar þig að rækta þitt eigið grænmeti, krydd og sumarblóm í sumar? Þá gæti þetta hagnýtt og aðgengilegt námskeið í sáningu matjurta-, krydd- og sumarblómafræja verið málið.

Á námskeiðinu verður farið yfir helstu grunnatriði sáningar og uppeldis plantna, meðal annars:

• Hvaða mold hentar best?
• Hvenær er rétti tíminn til að sá?
• Hvernig tryggjum við góða spírun?
• Lýsing, hitastig og umhirða fyrstu vikurnar
• Helstu mistök sem gott er að forðast

Námskeiðið hentar bæði byrjendum og þeim sem vilja efla þekkingu sína og fá meiri öryggi í ræktuninni.

Með réttum undirbúningi í mars leggur þú grunninn að blómlegu og gjöfulu sumri.

Kennari á námskeiðinu er Auður I. Ottesen, garðyrkjufræðingur, sem hefur víðtæka reynslu af ræktun og fræðslu.

Tími: þriðjudagur 24. mars 2026 kl. 17:00-18:30.
Staður: Fjarkennt.
Verð: 14.900 kr.

Félagsfólk í Verkalýðsfélagi Vestfirðinga getur sótt námskeiðið sér að kostnaðarlausu. 

Fræðslumiðstöðin hvetur aðra þátttakendur til að kanna möguleika á styrk til greiðslu þátttökugjalds hjá sínu stéttarfélagi eða starfsmenntasjóði.