3. október 2023

Námið er ætlað þeim sem eru 18 ára og eldri og hafa ekki lokið námi í framhaldsskóla. Markmið námsins er að auka færni þátttakenda í að takast á við hamlandi líðan með því að nýta sér aðferðir hugrænnar atferlismeðferðar (HAM) í daglegu lífi. Fjallað verður um þunglyndi og kvíða, markmiðasetningu, breytta hugsun, sjálfsmat og sjálfseflingu og bakslagsvarnir.

Námið eru 40 klukkustundir í heild sem skiptist í 24 klst. með leiðbeinanda og 16 klst. í heimanám. Námið byggir á fyrirlestrum, umræðum og verkefnavinnu bæði í kennslustundum og utan þeirra. 

Kennt er eftir námskrá Fræðslumiðstöðvar atvinnulífsins

Kennarar: Harpa Guðmundsdóttir o.fl.
Tími: Kennt á þriðjudögum kl. 10-12 í október og fimmtudögum kl. 10-12 í nóvember og desember. Hefst 3. október og lýkur 21. desember. 
Staður: Fræðslumiðstöð Vestfjarða, Suðurgötu 12, Ísafirði.
Verð: 9.000 kr.
Námsmat: Til að ljúka námi með fullnægjandi hætti þarf að minnsta kosti 80% tímasókn og virka þátttöku.

Ekki gleyma að kanna möguleikana á styrkjum hjá stéttarfélögum ykkar og fræðslusjóðum!