Haustönn 2021.

Markmið námskeiðsins er að bílstjóri öðlist þekkingu í að ganga af öryggi frá mismunandi tegundir farms og festingum hans. Bílstjóri þekki reglur um, notkun farm- og fylgiskjala sem krafist er í flutningum bæði innanlands sem og á milli landa.

Námskeiðið er hluti af endurmenntun atvinnubílstjóra með ökuréttindi í flokkum C1, C, D1 og D en atvinnubílstjórum í vöruflutningum og farþegaflutningum í atvinnuskyni er gert að sækja 35 kennslustunda endurmenntun á fimm ára fresti. Til þess að ljúka endurmenntuninni þurfa bílstjórar að ljúka þremur kjarnanámskeiðum; Vistakstur - örygig í akstri, Umferðaröryggi og Lög og reglur. Auk þess þarf að klára annað hvort námskeið um farþegaflutninga eða vöruflutninga og eitt val námskeið, til dæmis skyndihjálp.

Allir sem eru með útrunna 95 tölu í skírteinum sínum eða þurfa endurnýja ökuskírteini með þessum flokkum eftir 10. september 2018 þurfa að hafa lokið endurmenntun.

Kennari: Skúli Berg.
Tími: Stefnt að því að halda námskeiðið haustið 2021, hefst þegar næg þátttaka fæst. Kennt tvö kvöld kl. 19-22:30.
Lengd: 7 kennslustundir (2 skipti).
Staður: Fjarkennt.
Verð: 18.600 kr. Minnum á að flest stéttarfélög endurgreiða hluta þátttökugjalds.

Til þess að ljúka námskeiðinu með fullnægjandi hætti þar að sitja alla tíma þess.