Forsíða
Fræðslumiðstöð Vestfjarða
frmst@frmst.is
456-5025

Farþegaflutningar - endurmenntun atvinnubílstjóra

Haldið í september 2018.

Haldið á Ísafirði - fjarkennt til Hólmavíkur og Patreksfjarðar.

Markmið námskeiðsins er að bílstjórinn þekki atriði er lúta sérstaklega að akstri hópbifreiða, farþegaflutningum, ábyrgð bílstjóra á öryggi farþega og almennt að þjónustuhlutverki bílstjóra, náttúruvernd, ferðamennsku, mjúkum akstri o.fl. Hann þekki ákvæði í lögum og reglum um flutning farþega og sérbúnað hópbifreiða.

Námskeiðið er hluti af endurmenntun atvinnubílstjóra með ökuréttindi í flokkum C1, C, D1 og D en atvinnubílstjórum í vöruflutningum og farþegaflutningum í atvinnuskyni er gert að sækja 35 kennslustunda endurmenntun á fimm ára fresti. Til þess að ljúka endurmenntuninni þurfa bílstjórar að ljúka þremur kjarnanámskeiðum; Vistakstur - örygig í akstri, Umferðaröryggi og Lög og reglur. Auk þess þarf að klára annað hvort námskeið um farþegaflutninga eða vöruflutninga og eitt val námskeið, til dæmis skyndihjálp.

Þeir bílstjórar sem fengið hafa réttindi sín fyrir 10. september 2013 þurfa að ljúka endurmenntun fyrir 10. september 2018. Allir sem endurnýja ökuskírteini með þessum flokkum eftir þann tíma þurfa að hafa lokið endurmenntun.

Kennari: Þórir Erlingsson
Tími: Kennt þegar næg þátttaka fæst.
Lengd: 7 kennslustundir (1 skipti).
Staður: Fræðslumiðstöð Vestfjarða, Suðurgötu 12, Ísafirði. Fjarkennt til Hólmavíkur og Patreksfjarðar.
Verð: 18.600 kr.

SKRÁNING Á NÁMSKEIÐ