Þátttakendur prófa, skoða og skilgreina ýmsar hugmyndir um árangursríkar náms- og kennsluaðferðir í fullorðinsfræðslu, hefðbundnar jafnt sem óhefðbundnar, og hvernig þær henta mismunandi námsmarkmiðum og aðstæðum á vettvangi. Miðað er við að þátttakendur útbúi eigin möppu með aðferðum sem þeir hugsa sér að nýta í eigin kennslu.

Dagskrá

1. Inngangur og kynning - markmið, tímanýting, skipulag og gögn
2. Samskipti – kennsla og erfiðir einstaklingar
3. Aðferðir rýndar
   • Hraðnámsaðferðir almennt
   • 15-20 mismunandi aðferðir kynntar og þátttakendur skipta sér í hópa til að rýna þær aðferðir sem þeir velja sér.
4. Mat og slit

Námskeiðið fyrir alla þá sem koma að kennslu fullorðinna á einn eða annan hátt. Fræðslumiðstöðin vill sérstaklega hvetja þá sem kenna fyrir miðstöðina að sækja námskeiðið.

Fjöldi þátttakenda er takmarkaður.