Námsstefnan er í gegnum fjarfundabúnað frá Endurmenntun Háskóla Íslands (EHÍ) og haldið í samstarfi við Félag lífeindafræðinga.

Einkum ætlað fagfólki á heilbrigðissviði.

Hjarta- og æðasjúkdómar eru algengasta dánarorsök á Íslandi og þar af er hæst hlutfall kransæðasjúkdóma. Þekking á eðli kransæðastíflu og ný meðferðarúrræði hafa leitt til lengra lífs og bættrar heilsu kransæðasjúklinga. Á námsstefnunni verður fjallað um hjartað - bæði heilbrigt og sjúkt - með aðaláherslu á kransæðasjúkdóma. Fjallað verður um rannsóknir til greininga hjartasjúkdóma og meðferðarúrræði fyrir kransæðasjúklinga. Jafnframt verður rætt um algengi hjartasjúkdóma á Íslandi svo og saga kransæðasjúkdóma kynnt.

Umsjón: Hanna S. Ásvaldsdóttir, Ms. lífeindafræðingur og Alda M. Hauksdóttir, Bs. lífeindafræðingur. Ýmsir sérfræðingar munu halda fyrirlestra á námsstefnuninni.