Fjallað verður um íslenska þjóðfræði fyrr og nú með áherslu á Strandir. Greint verður frá hugtakinu og fræðigreininni þjóðfræði. Þá verður sagt frá þeirri þjóðtrú sem greina má í íslenskum heimildum allt frá fornritum og þjóðsagnasöfnum til fjölmiðla nútímans. Skoðaðar verða ýmsar sagnir af huldufólki, tröllum, galdramönnum og draugum og tekin dæmi af Ströndum. Tæpt verður á náttúrufari og svæðisbundnum einkennum. Þá verða ýmsar birtingarmyndir þjóðfræði og þjóðtrúar nútímans skoðaðar og leitað í sagnasjóði nemenda.

Námskeiðið verður fjarkennt frá Hólmavík á þá staði þar sem Fræðslumiðstöðin hefur aðgang að fjarfundabúnaði.