Á námskeiðinu fjallar Anna Rósa Róbertsdóttir, grasalæknir almennt um grasalækningar og íslenskar lækningajurtir með áherslu á tínslu og meðhöndlun jurtanna. Rætt verður um þann áhrifamátt sem talið er að algengar íslenskar lækningajurtir búi yfir, jurtir sem auðvelt er fyrir leikmenn að finna og tína. Megináhersla verður lögð á tínslu, þurrkun, vinnsluaðferðir og geymslu lækningajurta. Fjallað verður m.a. um vallhumal, ætihvönn, maríustakk, mjaðjurt, blóðberg, birki, túnfífil, klóelftingu, haugarfa og fjallagrös. Einnig verða gefin dæmi um einfaldar uppskriftir og skammtastærðir.

Námskeiðið er kennt í gegnum fjarfundabúnað frá Endurmenntun Háskóla Íslands.