Þæfing á ull er meðal elstu textílhandverka heims. Á þessu námskeiði verður kynnt áströlsk aðferð við þæfingu, svokallaður núnóflóki eða núnóþæfing, þar sem silki, grisju og öðrum efnum er blandað saman við ullina svo úr verður þunnur og léttur en jafnframt sterkur og fallegur flóki. Núnóflóki er áhugaverð aðferð við þæfingu og með henni getur maður bæði gert metravöru sem hægt er að sauma úr á venjulegan hátt, eða þæft í kringum snið og búið til föt án þess að sauma.