Forsíða
Fræðslumiðstöð Vestfjarða
frmst@frmst.is
456-5025

Lok á námi

Föstudaginn 29. janúar s.l., lauk náminu Sterkari starfsmaður - upplýsingatækni og samskipti, en það var kennt samkvæmt námskrá frá Fræðslumiðstöð atvinnulífsins.
Sterkari starfsmaður er 150 kennslustunda nám, þar sem komið er inná ýmsa námsþætti, svo sem tölvur, námstækni og samskipti eins og heitið bendir til.
Heimilt er að meta það á móti allt að 12 einingum í framhaldsskóla.

Námið var haldið í samvinnu Fræðslumiðstöðvarinnar og Vinnumálastofnunar. Það hófst í nóvember 2009 og var um helmingur kenndur fyrir áramót, en seinnihlutinn nú í janúar. Tólf þátttakendur luku náminu. Aðalkennarar voru Björn E. Hafberg, náms- og starfsráðgjafi Fræðslumiðstöðvarinnar og Haukur Vagnsson, tölvukennari.

Þátttakendahópurinn spannaði nokkuð breitt aldursbil, en náði þó mjög vel saman. Í útskriftinni var slegið upp smá veislu. Fólk klæddi sig upp og hafði gaman. Einn mætti með gítar og flutti bæði frumsamin lög og lög eftitr aðra. Vonandi getur orðið framhald á svipuðu námi, sem væri sérsniðið að áhuga og þörfum fólksins.


Harpa Hrönn farðaði Hjördísi Sóleyju
Hluti hópsins með Birni Hafberg
Ásthildur Jónasdóttir
Nýförðuð og flott. Hjördís Sóley
Hópurinn með viðurkenningarnar
Loks kom að veislunni. Þá birtist Smári
Kökunum voru gerð góð skil
Og brátt tæmdust diskarnir
Svo tók Sigurður lagið. Bæði frumsamið og eftir aðra
Hjördís Sóley passaði að ná myndum af sínum. Pétur Þór fylgist með.