6. nóvember 2024

Á þessu gagnlega námskeiði er vandlega farið yfir allt sem nauðsynlegt er að vita varðandi lífeyrismál og fjármálahlið starfsloka. 

 Meðal þeirra spurninga sem svarað verður eru: 

• Hvenær og hvernig hentar að sækja lífeyrisgreiðslur? 
• Hvernig göngum við á séreignarsparnað og hvaða áhrif hefur tilgreind séreign? 
• Hvað þarf að vita varðandi greiðslur og skerðingar almannatrygginga? 
• Er skynsamlegt að sækja hálfan lífeyri? 
• Hvernig deili ég lífeyri með makanum mínum? 
• Hvaða skatta kem ég til með að greiða? 

Námskeiðið er miðað að fólki 55 ára og eldri en hentar í raun öllum þeim sem vilja bæta þekkingu sína á lífeyrismálum sem og þeim sem aðstoða lífeyrisþega. 

Leiðbeinandi á námskeiðinu er Björn Berg Gunnarsson, en hann hefur langa reynslu af ráðgjöf og fyrirlestrahaldi um fjármál. Björn starfaði lengi sem ráðgjafi á verðbréfa- og lífeyrissviði Íslandsbanka, var fræðslustjóri bankans í yfir áratug og stýrði greiningardeild hans. Hann hefur BS próf í viðskiptafræði, próf í verðbréfaviðskiptum og meistaragráðu í alþjóðaviðskiptum og markaðsfræði.

Tími: Miðvikudagur 6. nóvember 2024 kl. 17:00-19:00. 
Staður: Fjarkennt.
Verð: 19.000 kr.