Þriðjudaginn 15. mars n.k. hefst námskeið í bakskóla Sjúkraþjálfunar Vestfjarða ehf. í samvinnu við Fræðslumiðstöð Vestfjarða. Þetta er í fyrsta skipti sem slíkt námskeið er í boði hjá Fræðslumiðstöðinni. Námskeiðið hentar bæði þeim sem hafa átt við bakvandamál að stríða og ekki síður þeim sem vilja stunda fyrirbyggjandi starf.

Á námskeiðinu verður farið í uppbyggingu stoðkerfisins, hreyfingafræði, líkamsbeitingu, líkamsstöðu og líkamsvitund, áhættuþætti og verklegar æfingar.

Námskeiðið stendur í 4 vikur, kennt tvisvar sinnum í viku klukkustund í senn. Tímar eru á þriðjudögum og fimmtudögum kl 17-18.

Kennarar eru Ólafur Halldórsson og Steingrímur Þorgeirsson lögg. sjúkraþjálfarar.