Forsíða
Fræðslumiðstöð Vestfjarða
frmst@frmst.is
456-5025

Hraðfrystihúsið Gunnvör gefur bækur í sjómannafræðum

Nemendur með Sjómannabókina, ásamt Guðbirni Páli kennara og Smára forstöðumanni.
Nemendur með Sjómannabókina, ásamt Guðbirni Páli kennara og Smára forstöðumanni.

Hraðfrystihúsið Gunnvör færði nemendum í Grunnskólanum á Ísafirði, sem leggja stund á smáskipanám hjá Fræðslumiðstöð Vestfjarða, að gjöf bókina Sjómannabók eftir Pál Ægi Pétursson. Bókin er handbók fyrir sjómenn í flestu því sem máli skiptir við sjómennsku og stjórnun skipa og er hin vandaðasta; vel framsett og fallega myndskreytt.

Fræðslumiðstöðin þakkar Hraðfrystihúsinu Gunnvöru fyrir þessa góðu gjöf. Það er mikilvægt fyrir stofnun eins og Fræðslumiðstöð Vestfjarða að hafa góða bakhjarla, sem láta sig skipta starfsemi hennar og viðgang. Það á Fræðslumiðstöðin í ríkum mæli og er t.d. ánægjulegt hvað aðilar vinnumarkaðarins beggja vegna borðs, tala einum rómi í fræðslumálum fullorðinna.

Veturinn 2014 – 2015 kennir Fræðslumiðstöð Vestfjarða í annað skipti smáskipanám fyrir Grunnskólann á Ísafirði. Nú eru 11 nemendur úr Grunnskólanum í þessu námi hjá miðstöðinni. Á vorönn 2014 kenndi Fræðslumiðstöðin einnig smáskipanám fyrir Grunnskóla Bolungarvíkur og verður vonandi framhald af því á vorönn 2015.

Kennari í smáskipanáminu er Guðbjörn Páll Sölvason.

Meðfylgjandi mynd er af nemendum með Sjómannabókina, ásamt Guðbirni Páli kennara og Smára forstöðumanni.
Á myndina vantar Jón Hjört Jóhannesson.

Skrifaðu athugasemd: