Þessa dagana eru starfsmenn Fræðslumiðstöðvar Vestfjarða að undirbúa haustmisserið. Þar mun kenna ýmissa grasa og stefnir í góða blöndu af námskeiðum sem ætlað er að efla fólk og styrkja í starfi og tómstundanámskeiðum. Starfsfólk miðstöðvarinnar vill gjarnan fá ábendingar og óskir um námsframboð, hvort sem er frá einstaklingum eða fyrirtækjum. Öllum hugmyndum er vel tekið.

Þá minnum við á að Fræðslumiðstöðin vinnur gjarnan með fyrirtækjum að greiningu fræðsluþarfa, tekur að sér að fylgja eftir fræðsluáætlunum og útvegar sérsniðin námskeið eftir því sem óskað er.

Ekki má gleyma að Fræðslumiðstöðin býður upp á viðtöl við náms- og starfsráðgjafa og er um að gera að nýta sér þá þjónustu.