Forsíða
Fræðslumiðstöð Vestfjarða
frmst@frmst.is
456-5025

Hvað langar þig að læra í vetur?

Þá eru starfsmenn Fræðslumiðstöðvarinnar komnir aftur til starfa eftir sumarleyfi og vinna nú hörðum höndum að því að undirbúa vetrarstarfið. Stefnt er að því að gefa út hinn árlega Námsvísi í lok ágúst eða byrjun september þar sem verður að finna upplýsingar um flest þau námskeið og lengra nám sem miðstöðin mun bjóða upp á í vetur. Margar hugmyndir eru komnar á blað en eins og alltaf tekur Fræðslumiðstöðin því vel að fá ábendingar um námskeið sem fólk hefur áhuga á að sækja, eða jafnvel kenna. Þeir sem hafa einhverjar námskeiðshugmyndir eru hvattir til að hafa samband við okkur og ræða málið, annað hvort í síma 456 5025 eða með tölvupósti á frmst@frmst.is.

Deila