Forsíða
Fræðslumiðstöð Vestfjarða
frmst@frmst.is
456-5025

Íslenska er málið

Flottur hópur sem lauk íslenskunámskeiði vorið 2013.
Flottur hópur sem lauk íslenskunámskeiði vorið 2013.

Nú eru íslenskunámskeiðin að fara af stað. Kennt er eftir námsskrá mennta- og menningarmálaráðuneytisins Íslenska fyrir útlendinga – grunnnám, útgefin 2008, þar sem náminu er skipt í 4 stig. Á Ísafirði, Bolungarvík og Flateyri er bæði boðið upp á námskeið fyrir byrjendur (stig 1) og námskeið á stigi tvö en það er ætlað þeim sem hafa áður lokið 60 kennslustundum í íslensku eða hafa sambærilega færni í málinu. Á Suðureyri er eitt námskeið í boði og ræðst það af þátttakendum á hvaða stigi verður kennt.

Mjög mikilvægt er að áhugasamir skrái sig því lágmarksþátttöku þarf til þess að af námskeiði verði. Það er því um að gera að hvetja þá sem hafa annað móðurmál en íslensku til þess að skerpa á kunnáttunni og koma á námskeið.

Nánari upplýsingar og skráninga hjá Fræðslumiðstöð Vestfjarða í síma 456 5025. Einnig má skrá sig hér á vefnum.

Deila