15. febrúar 2013
Fjórði fyrirlestur Róta og Fræðslumiðstöðvar Vestfjarða um Mannauðinn og menningarlega fjölbreytni verður fimmtudaginn 21. febrúar, kl. 17 ? 18.
Þá munu þær Sóley Chyrish Emilsson og Elvie Guðrún Bacalso fjalla um Filippseyjar og segja frá landi og þjóð, mannlífi og menningu og bjóða uppá filippískar veitingar.
Fyrirlesturinn verður fluttur hjá Fræðslumiðstöð Vestfjarða á Ísafirði, en varpað með fjarfundabúnaði til annarra staða á Vestfjörðum.

Fyrirlestrar í þessari röð eru að jafnaði kl. 17 ? 18 þriðja fimmtudag hvers mánaðar og sendir út í fjarfundabúnaði. Markmið með þessari fyrirlestraröð er að kynna fjölbreytileika mannlífsins á Vestfjörðum, gefa sýn á uppruna, menningu og hefðir nokkurra þeirra þjóða sem hér búa og auka þannig skilning og samheldni í samfélaginu. Fyrirlestrunum er einnig ætlað að hjálpa til við að kalla fram möguleika á að nýta þessa fjölbreytni, svo sem í viðskiptum og ferðaþjónustu.
Fyrirlestrarnir eru á íslensku.
Fyrirlestrarnir eru öllum opnir og ekki er þörf á að skrá sig fyrirfram.
Aðgangseyrir er eitt þúsund krónur á mann.