Ellefu menn luku nýlega skipstjórnarnámi á Patreksfirði. Námið veitir rétt til að til að fá útgefið smáskipaskírteini sem skipstjóri/stýrimaður á skipum styttri en 12 metrar að skráningarlengd í strandsiglingum, eftir 12 mánaða siglingatíma og læknisvottorð.

Smáskipanámið er 105 kennslustunda nám og líkur með prófi í 3 greinum.
Aðalkennari var Magnús Jónsson, en Ingimundur Guðberg Andrésson kenndi vélfræði.

Námið var haldið með faglegri ábyrgð Tækniskóla Íslands (Skipstjórnarskólans), sem lagði fyrir próf og fór yfir þau.