Forsíða
Fræðslumiðstöð Vestfjarða
frmst@frmst.is
456-5025

Útskrift úr Verkfærni í framleiðslu

Hluti af hópnum sem tók þátt í Verkfærni í framleiðslu ásamt kennara og umsjónakonu námsins.
Hluti af hópnum sem tók þátt í Verkfærni í framleiðslu ásamt kennara og umsjónakonu námsins.

Fimmtudaginn 13. febrúar lauk 220 klukkustunda námi sem staðið hafði frá því seint í nóvember og kallast Verkfærni í framleiðslu. Meðal námsþátta voru öryggismál, gæðavitund, grunnteikning, TIG-suða, tölvustýringar, fab lab, enska og stærðfræði.

Þetta er í fyrsta skipt sem Fræðslumiðstöðin kennir þetta nám, en það er ein af námsleiðum Fræðslumiðstöðvar atvinnulífsins sem ætlað er fólki sem ekki hefur lokið framhaldsskóla. Á heildina litið gekk námið nokkuð vel en vissulega hafði tíðarfarið í janúar og febrúar nokkur áhrif þar sem stór hluti nemenda kom frá byggðarkjörunum í kringum Ísafjörð. Bæði nemendur og kennarar þurftu því að vera sveigjanlegir þegar veður og færð raskaði kennslu. Fyrir það ber að þakka. Þá átti Fræðslumiðstöðin í góðu samstarfi við Menntaskólann á Ísafirði um kennsluaðstöðu og kunnum við skólanum bestu þakkir fyrir.