Erasmus+ starfsspeglun í Tenerife
Í mars héldu starfsmenn og íslenskukennarar frá Fræðslumiðstöð Vestfjarða áfram Erasmus+ ferð sinni með heimsókn til CEAD Santa Cruz de Mercedes Pinto, sem er fræðslumiðstöð fyrir fullorðna og sérhæfir sig í fjarnámi.
Í heimsókninni fengum við tækifæri til að kynnast því hvernig kennarar á Kanaríeyjum takast á við landfræðilegar áskoranir og hvaða stafrænu verkfæri þeir nýta í kennslu sinni.
Við fengum fróðlega kynningu á spænska menntakerfinu með sérstakri áherslu á fullorðinsfræðslu. Við fengum einnig tækifæri til að taka þátt í vettvangsnámi (job shadowing) í tungumálatímum og fengum innsýn í kennsluaðferðir, búnað og þau verkfæri sem notuð eru. Einnig var okkur kynnt rafrænt námsumhverfi skólans.
Auk faglegs ávinnings fengum við dýpri innsýn í menningu, fjölbreytileika og sögu Kanaríeyja.
Við erum þakklát fyrir þetta tækifæri og færum CEAD okkar bestu þakkir fyrir hlýjar móttökur.
