Fræðslumiðstöð Vestfjarða hefur hlotið aðild að Erasmus+ og fengið styrk sem gerir nemendum, kennurum og starfsfólki kleift að sækja náms- og starfsferðir erlendis. Með þátttökunni skapast dýrmæt tækifæri til að tengjast öðrum skólum í fullorðinsfræðslu, læra af reynslu annarra og miðla eigin þekkingu.
Í tengslum við verkefnið fékk miðstöðin nýlega heimsókn frá samstarfsskóla í Plasencia á Spáni. Þar var rætt um mikilvægi inngildingar og fjölbreytileika í skólastarfi og skipst á hugmyndum og reynslu.
Við hlökkum til framhaldsins – til nýrra ævintýra, vináttu og tækifæra til að læra saman.
- fimmtudagurinn 21. ágúst 2025
- Sædís María Jónatansdóttir
Fræðslumiðstöðin leitar að hugmyndum að námskeiðum fyrir komandi mánuði – ert þú með tillögu?
Við hjá Fræðslumiðstöð Vestfjarða viljum bjóða upp á fjölbreytt og hagnýt námskeið sem endurspegla þarfir og áhuga fólks á vinnumarkaði, í samfélaginu og í daglegu lífi.
Nokkrar lengri námsleiðir eru í farvatninu og komnar á heimasíðuna okkar, skipstjórnarnámið verður á sínum stað í vetur sem og íslenskunámskeiðin.
Nú leitum við eftir hugmyndum og ábendingum frá fólki á svæðinu um önnur námskeið – hvaða námskeið myndir þú vilja sjá í boði í haust og vetur? Við tökum vel á móti öllum tillögum.
Ef þú hefur hugmynd að námskeiði endilega sendu okkur póst á frmst@frmst.is
- miðvikudagurinn 6. ágúst 2025
- Dagný Sveinbjörnsdóttir
