1. september 2026

Fjarkennt námskeið ætlað fólki af taílenskum uppruna. Lögð er áhersla á framburð, orðaforða, málfræði, ritun og samtöl. Einnig er komið inn á menningu, samfélag og fleira. 

Námið hentar bæði byrjendum og þeim sem eru lengra komnir og er þátttakendum skipt í hópa eftir getu. Námskeiðið eru kennt á Teams þrisvar í viku en einnig er námsefni á kennsluvefnum Moodle. 

Kennarar: Laddawan Dagbjartsson og Lilja Ómarsdóttir.
Tími: Hefst 1. september og lýkur 15. október 2026.
Lengd: 60 kennslustundir (40 klukkustundir).
Staður: Fjarkennt.
Verð: 59.000 kr.

Almennt gildir að til þess að ljúka námskeiði hjá Fræðslumiðstöð Vestfjarða með viðurkenningu þarf að lágmarki 75% mætingu. Athugið að viðmið Útlendingastofnunar fyrir þau sem ætla að sækja um ótímabundið dvalarleyfi er hins vegar að lágmarki 85% tímasókn.

Þau sem eru í Verk Vest eða Verkalýðs og sjómannafélaga Bolungarvíkur og starfa hjá ríki eða sveitarfélögum geta sótt námskeiðið sér að kostnaðarlausu. Fræðslumiðstöðin hvetur aðra þátttakendur til að kanna með endurgreiðslu námskeiðsgjalds hjá sínu félagi.