13. október 2026

Námið er ætlað þeim sem vilja efla tæknilæsi sitt og tölvufærni og verða öruggari í notkun stafrænnar tækni, bæði í daglegu lífi og á vinnumarkaði. Tæknin þróast hratt og markmið námsins er að þátttakendur öðlist þekkingu, færni og sjálfstraust til að takast á við þær breytingar sem fylgja sífellt aukinni notkun stafrænna lausna.

Sérstök áhersla er lögð á að byggja upp sjálfstraust gagnvart tölvum og tækni. Þátttakendur kynnast grunnþáttum tölva og stafræns umhverfis og þjálfa hagnýta færni í notkun tölva, snjalltækja og ýmissa stafrænna lausna.

Þau sem ekki hafa lokið námi í framhaldsskóla eru í forgangi, en aðrir eru einnig velkomnir.

Markmið námsins eru að: 

• efla tæknilæsi og tölvufærni þátttakenda og búa þá undir tæknibreytingar í daglegu lífi og á vinnumarkaði,
• auka skilning á grunnþáttum stafræns umhverfis og efla færni í stafrænu vinnuumhverfi samtímans,
• styrkja færni og trú þátttakenda á eigin getu til að nýta upplýsingatækni og stafrænar lausnir í starfi,
• styrkja stöðu þátttakenda á vinnumarkaði og auka möguleika þeirra á fjölbreyttari störfum.

Námsþættir:

• Fjarvinna og fjarnám
• Sjálfvirkni og gervigreind
• Skýjalausnir
• Stýrikerfi 
• Tæknifærni og tæknilæsi
• Öryggisvitund

Kennt er eftir námskrá Fræðslumiðstöðvar atvinnulífsins.  Námið er kennt í húsakynnum Fræðslumiðstöðvar Vestfjarða á Ísafirði en þátttakendur geta einnig tekið þátt í gengum fjarfund. 

Kennari: Ármann Haraldsson.
Tími: Kennt þriðjudaga og fimmtudaga kl. 17:30-19:30. Hefst 13. október.
Lengd: 42 klukkustundir.
Staður: Fræðslumiðstöð Vestfjarða Ísafirði og fjarkennt.
Verð: 20.700. kr.
Námsmat: Til að ljúka námi með fullnægjandi hætti þarf að minnsta kosti 80% tímasókn og virka þátttöku.

Minnum væntanlega þátttakendur á að kanna rétt til endurgreiðslu námskeiðsgjalda hjá sínu stéttarfélagi.