Kynning á raunfærnimati fyrir félagsliða, leikskólaliða og stuðningsfulltrúa í grunnskólum

Nú á haustönn býður Fræðslumiðstöð Vestfjarða upp á raunfærnimat fyrir þá sem vija verða félagsliðar, leikskólaliðar eða stuðningsfulltrúar í grunnskóla. Raunfærnimat er mat á þeirri færni og þekkingu í faginu sem fólk hefur aflað sér í gegnum starf og getur stytt nám á þessu sviði.

Þátttakendur þurfa að hafa náð 25 ár aldri. Þátttakendur í raunfærnimati fyrir félagsliða þurfa að hafa að minnsta kosti þriggja ára starfsreynslu með fötluðum, öldruðum eða sjúkum og þátttakendur í raunfærnimati fyrir leikskólaliða eða stuðningsfullrúa þurfa að hafa starfað að minnsta kosti þrjú ár með börnum í leikskóla eða grunnskóla.

Kynningarfundur verður haldinn í Fræðslumiðstöð Vestfjarða, Suðurgötu 12, Ísafirði, þriðjudaginn 20. október kl. 17. Áhugasamir eru hvattir til að koma og kynna sér málið.

• fimmtudagurinn 8. október 2015
• Dagný Sveinbjörnsdóttir

Símenntunarkassinn

Lambi og forstöðumaður að átta sig á því hvernig kassinn á að snúa.

Kassanum komið fyrir.

Og þá er bara beðið eftir skráningum.

« 1 af 3 »

Símenntunarkassinn var settur upp í gær. Þrátt fyrir alla umræðuna um rafræn samskipti og markaðssetningu á netinu höfum við á Fræðslumiðstöð Vestfjarða trú á mætti einfaldra götuauglýsinga. Þess vegna var samið við Kaffi Ísól á Ísafirði um að fá afnot af auglýsingakassa veitingastaðarins á meðan tímabundið hlé verður á starfsemi hans. Kassinn var tekinn ofan og pússaður upp og skartar nú sínu fegursta utan á Kaffi Ísól að Austurvegi 1 á Ísafirði.

• miðvikudagurinn 30. september 2015