Raunfærnimat - almenn starfshæfni og grunnleikni

7. febrúar 2022

Námskeið og raunfærnimat í almennri starfshæfni. Hér er átt við þá hæfni (leikni, viðhorf og breytni) sem einstaklingur þarf að búa yfir eða tileinka sér til þess að taka á virkan hátt þátt í samfélaginu, vera á vinnumarkaði, þróast í starfi og geta tekið á sig meira krefjandi störf.

Stjórnun álags og streitu

16. febrúar 2022

Námskeið fyrir starfsfólk Ísafjarðarbæjar. Fjallað er um mismunandi einkenni streitu, ástæður streitu, streituþol, tengsl hugsana og hegðunar og að takast á við mótlæti.

Líf og heilsa - lífsstílsþjálfun

Febrúar - nóvember 2022

Í náminu er lögð áhersla á sjálfseflingu, ígrundun, markmiðasetningu og virkni með samvinnunámi og virkum stuðningi leiðbeinenda. Námið er ætlað fólki sem vill bæta eigin heilsu.

Velferðatækni

15. febrúar 2022

Tilgangur náms í Velferðartækni er að efla þekkingu og auka hæfni þeirra sem starfa eða hafa hug á að starfa við velferðarþjónustu.

Markmiðið er að námsmenn fái aukna þekkingu og leikni til að takast á við tækniþróun í velferðarþjónustu sem snýr að nýsköpun í tækni og nýtist við umönnun, verklega aðstoð, hjálpartæki, skipulag á heimilum, þjálfun, endurhæfingu, sérkennslu og atvinnu með stuðningi.

Námið er 40 klukkustundir og skiptist í fimm námsþætti.

• Velferðarþjónusta og tækni
• Stefnur og starfsumhverfi
• Samskipti, miðlun og gagnvirkni
• Velferðarlausnir
• Starfsþjálfun

Ætlað fólki sem ekki hefur lokið framhaldsskóla og starfar eða hefur hug á að starfa við velferðarþjónustu.