Endurmenntun HÍ hefur ákveðið að bjóða fólki án atvinnu 50% afslátt af námskeiðsverði nokkurra vornámskeiða. Þar á meðal eru tvö námskeið sem eru í boðið í gegnum fjarfundabúnað hjá Fræðslumiðstöð Vestfjarða. Það eru námskeiðin Svartfugl eftir Gunnar Gunnarsson og Lög og réttur fyrir 50+.

Bæði þessi námskeið hefjast 20. apríl en nauðsynlegt er að skrá sig sem fyrst til þess að sjá hvort lágmarksþátttaka fæst.

Hægt er að skrá sig á þessi námskeið hjá Fræðslumiðstöðinni í síma 456 5025 eða hér á vefnum. Nauðsynlegt er að taka fram í athugasemdarreit við skráningu að viðkomandi sé atvinnulaus og jafnframt þarf að sýna staðfestingu frá Vinnumálastofnun.